我想將廣東話嗰篇斬唨重練

[tsehygit]

好多嘢要改，例如：

• 坊間某啲拼音方案嘅寫法問題令推導碼推錯音，要改正受影響嘅音
• 細分「全濁齒音」嘅不規則導音
• 溪母同上
• 加白讀
• 推導碼用萬國音標先，之後先轉其它拼音方案（可解決埋第一點嘅問題）
• 其它錯音

[graphemecluster]

我哋以前內部討論過用唔用國際音標嘅問題，最後決定唔加，因為推導器嘅作用係注音而唔係精確標音。
至於方案，香港語言學學會粵語拼音方案已經廣泛運用於學術界，而且而家所有嘅語言技術工具都以粵拼為基礎。粵拼充份標示現代廣州話嘅區別特徵，冇多冇少，因此冇需要用到國際音標或者改做其他拼音方案。我哋已經拒絕過修改拼音方案嘅 PR，往後所有類似嘅 PR 都一樣會被關閉。
假如你想將推導結果二次推導成其他拼音方案自用，可以參考 #57 (comment) 。

至於細分溪母，我以前曾經做過（#18 (comment)），但因為太過規則人為而且難觸摸，所以一直擱置咗喺度。

白讀都有人做過（#31），但似乎未完整，所以一直擺咗喺度。

如果有一個完整啲嘅解決方案，歡迎 PR。

@ayaka14732 （方案原作者）有冇嘢補充？

[ayaka14732]

粵拼我唔同意改，其他嘢歡迎 PR

坊間某啲拼音方案嘅寫法問題令推導碼推錯音，要改正受影響嘅音

可唔可以講清楚啲？

[tsehygit]

@graphemecluster 你係毋係誤會唨我對「加IPA」嘅做法？我嘅意思係，前面（const 聲母規則 = () => when([…嗰堆）用IPA，轉語會式嘅碼用選項方式擺後面（if (選項.注音方案 === '語會粵拼') 聲母 = {…），推導器毋係有比較多套方案嘅功能咩？有比較功能毋用同一把「尺」點得？（https://xkcd.com/927/ ）我甚至會話，推導其他語言嘅碼都要有IPA！
@ayaka14732 該方案將「東[oŋ]」韻（沿用《分韻》叫法）拼成「ung」，即係將韻腹視爲「孤[u]、魁[ui]、官[un]」韻腹嘅同位異音，但「高[ou]」韻明明同佢同韻腹就寫恰（啱），咁分法就代表分錯高母音，例如影響疑母拼通攝一等嘅「㟅、𤛹」，粵音資料集叢認爲毋應該脫疑，我幾同意佢睇法。

[graphemecluster]

我同意 ei、ing、ik；ou、ung、uk 唔用同一個韻腹係粵拼嘅設計缺陷，但粵拼出街當時根本仲未有呢個學説，但係標準已經確立咗，唔可以有少少瑕疵就唔用，你噉樣同摒棄英文全世界用 Esperanto 有咩分別？
反正已經推導器係用成個韻母做單位嚟做推導，唔存在韻腹影響推導結果呢個問題。如果你覺得噉樣可以簡化推導邏輯嘅話，你要舉啲 concrete example 嚟説服我哋（即係：喺度寫幾段程式 demonstrate 點解要用你個方法，或者直接開個 PR，不過我哋唔一定收）。

我個人頂多接受：

• 用中介韻腹 ee、oo 嚟代表 [e]、[o]，推導完成前轉返轉頭，但條件係簡化到推導邏輯
• 粵拼轉 IPA，唔接受 IPA 轉粵拼、預設成 IPA